هام جداً قبل التعاقد بخصوص الشقق السكنية

في هذه الكبسولة العقارية السريعة أوضح لك تفاصيل هام جداً قبل التعاقد بخصوص الشقق السكنية 

هام جداً قبل التعاقد بخصوص الشقق السكنية 

لازم تكون عارف الكلام ده قبل التعاقد عشان مترجعش تقول ان فيه تلاعب أو المطور بينصب أو ما شابه ،

الشقق السكنية ليها 3 مساحات ، أيوة زي مبقول لحضرتك كدة 3 مساحات ولو مستغرب ممكن حضرتك تقرا الكلام كويس وتفهم و انا هوضحلك بمثال ، 

١ : المساحة الكلية gross area 

2 : المساحة الصافية net area 

3: مساحة الفرش carpet area 

دلوقتي لو حضرتك بتتعاقد علي شقة مساحتها و ليكن ١٠٠ م و ديه المساحه الي بيبيعها المطور فاكيد مش ديه الي حضرتك هتستلمها .

١ : المساحة الكلية ١٠٠ م 

٢: المساحة الصافية بعد خصم نسبة التحميل وليكن ٢٠% يعني الشقة بقت مساحتها 80 م 

(المساحة ديه بتكون عبارة عن المساحة الكلية علي الاوتو كاد من أول نقطة علي المدماج لأخر نقطة و ديه فعليا هتديك المساحة الي هي ٨٠ م ) 

٣: لاكن حضرتك هتستلم وتيجي تقيس فا هتلاقي المساحة قلت كمان ١٠ % و ديه مساحة الحوائط الخارجية و الداخلية المستخدمة في تقسيم الشقة ) 

يعني حضرتك هتفرش الشقة علي مساحة ٧٠ م و ده بيكون المساحة الحقيقية الي حضرتك بتستخدمها و هتفرش فيها الاثاث بتاعك )

في الختام...

يمكنك دائماً تصفح قسم كبسولة عقارية من يوفن دوت كوم، للإجابة علي اسئلتك العقارية سريعاً وبشكل موجز ومختصر!

أو يمكنك دائماً التواصل معنا للإجابة عن أستفسارتك بكل شفافية ومصداقية لأستثمار آمن...