ما هو افضل مكان للاستثمار في العاصمه الاداريه الجديده؟

في هذه الكبسولة العقارية السريعة أوضح لك تفاصيل افضل مكان للاستثمار في العاصمه الاداريه الجديده

افضل مكان للاستثمار في العاصمه الاداريه الجديده

بيتكرر كتير سؤال عن افضل مكان للاستثمار في العاصمه الاداريه الجديده - وده كان ردي علي احد العملاء في كومنت

                     --------------------------------------

مينفعش اسال اقول افضل عربية اشتريها ايه وانا حاطط في دماغي الكيا ولا الكرولا لان الرد هيكون ميرسيدس

مقولة افضل في الاستثمار مش استاندر

متنفعش لاي حد

الافضل لحضرتك مش الافضل ليا والعكس صحيح

 في العاصمة 

العاصمة حاليا فيها 7 مناطق للاستثمار من ضمن 34 منطقة في المرحلة الاولي فقط قابلين للزيادة

وكل منطقة منهم فيها مميزاتها وعيوبها وتقريبا حاليا في بيع في ال 7 مناطق وباقي المناطق مستقبلا هتتباع 

دا غير ان اصلا كل منطقة فيها تفاصيل كتييير جدا ونسب تميز ومخاطرة مختلفة

الافضل في الاستثمار

بيعتمد علي اكثر من عامل وكل عامل منهم متفرع لاكثر من حاجة

 في 148 نقطة

7 نقاط يخصو المطور 

 المشروع نفسة بينقسم لاكثر من بند

 التجاري 44 نقطة 

 الاداري 49 نقطة

 اضلاع المشروع المكملة 10 نقاط

 تقرير المشروع 15 نقطة

 الانشائات والاوراق القانونية للمشروع والمطور  17 نقطة

 العلاقة التعاقدية وثغراتها القانونية ودي مختصة بالعقد نفسة نقطة واحدة

 المستثمر نفسة 5 نقاط 

وقبل كل دة انت نفسك كمستثمر  لازم حضرتك مع مستشارك العقاري او الكيان الي بتتعامل معاه

تحددو نسبة المخاطرة الي مينفعش تنزل عندها

قدرتك علي تامين إستثمارك طبقا لتدفقاتك النقدية

نسبة المخاطرة في تعثرك مستقبلا وكيفية التعامل مع الموقف

الفترة الي تنتظرها لحين التشغيل الايجابي

اقل من دورة عقارية - دورة عقارية - اكثر من دورة عقارية

النقاط الي تم ذكر عددها لازم يتم عمل مضمونها ولا يستثني اي شئ لضمان استثمار اقرب مايكون للنجاح 

خلاف ذالك يبقي حضرتك معاك فلوس مستغني عنها او تبعد عن الاستثمار في الاداري والتجاري

                  --------------------------------------

الاستثمار مش ببوست علي الفيس

الاستثمار بيتبني علي دراسة وعلم مش بالفهلوة

احنا و زملاء كتير مشكورة بنساعد وبنكتب وبنهاجم مشاريع فعلا سيئة وبيتعملنا مشاكل كتير ومكملين في سبيل احقاق الحق

لكن في معلومات وتفاصيل كتير مبنقولهاش

مينفعش اكتب علي اسرار شركة ولا اقولك وضعها المالي وتعثرها الفعلي ولا لمهم من بعض عشان يدفعو قسط

ولا علي مطورين فاتحين اكثر من مشروع وعندهم مشاريع حصلها ميل ووتشققات

ولا علي مطور بيبني مخالف

ولا علي مطور غير ماستر بلان وبيبيع بالقديم

ولا علي مشروع غير دراسة الجدوي بتاعته وهيبني باقل خامات

ولا علي مشاريع فيها مشاكل انشائات واتبيضت عشان تتداري

ولا علي مطور بيبيع شيكات الصيانة من دلوقتي عشان يكمل مشروعة

ولا مشروع فية توقيت الدخول والخروج للموظفين بيتعدي الساعه

ولا هشرحلك اكواد هندسية عشان اقولك ان المشروع الفلاني عندة عجز في كذا ولا كذا

ولا الغرفة الفلانيه في الدور اقل من اشتراطات مساحتها وهياخد الي جمبها

ولا بلاوي القطاع الفندقي

ولا خبايا العقود الي تخليه ياخد منك وحدتك ويقسطلك فلوسك

وحجات كتير جدا جدا يطول شرحها وكتابتها وبنكتفي بمقولة "ليس كل مايعرف يقال" لعلها تصل لاصحاب العقول والتفكير

الفتره الزمنية دي بمشاكلها  بتكرر في كل مدينة وكل فترة في ظل غياب لقانون رادع وصارم وتشريعات للمهنة

بنكتفي بنشر الوعي لعله يكون سبب في حمايه استثمار اسرة وحماية مسارهم من الانحراف

غرضي من البوست ان يتم تسليط الضوء علي الكوارث الي بتحصل والسيناريو الي هيحصل في فترة قريبة واغلبكم عارف منه جزء

في الختام...

يمكنك دائماً تصفح قسم كبسولة عقارية من يوفن دوت كوم، للإجابة علي اسئلتك العقارية سريعاً وبشكل موجز ومختصر!

أو يمكنك دائماً التواصل معنا للإجابة عن أستفسارتك بكل شفافية ومصداقية لأستثمار آمن...