اشتراطات مطاعم الفود كورت بالعاصمه الاداريه

اشتراطات  الفود كورت بالعاصمه الاداريه ..🍁

مش اي منطقه يقولك عليها المطور انها فود كورت تصدقه وخاصه ان الفود كورت من اغلي المناطق ف المول التجاري ..

اشتراطات الفود كورت 🍁

منطقه السرفس كوريدور .📒

. او ممر الخدمات الخلفي الخاص  ب (العمال عشان ينقلوا البضائع والماكولات /وخاصه بالقمامه والمخلفات / وخاص بوقت الراحه للعمال ...)

مش معقوله يكون في زبائن بيشتروا او بياخدوا طلباتهم وتلاقي العمال بينقلوا المخلفات والبضايع قدامهم.. 

طب في حاله عدم وجود كوريدور بيتم تعويضه بمساحه المطبخ نفسه لازم تكون كبيره عشان تدير الموضوع ده ويكون في وقت معين في وسط اليوم ساعتين مثلا لاداره المخلفات والبضايع وخلافه .

منطقه الكورت 📕

ودي مهمه جدا وكل مطعم بيكون قدامه ع الاقل 2 طرابيزه ل4 افراد 

منطقه الحمامات 📗

لازم عدد الحمامات في منطقه الفود كورت يكون اكبر من غيره من الادوار قياسا للكثافه الموجوده بالدور

مساحه المطبخ 📒

لازم تكون مساحه من 50 ل 80 متر عشان تكفي للمطبخ والمعدات والعمال 

طب لو قدرتك الشرائيه تجيب محل 40 متر بس ؟؟ بيتعمل ضم وفقا للمخطط الهندسي بالدور

الكهرباء 📗

لازم الفولتج للكهربا يكون اعلي من الفولتج لبقيه الادوار لان الفاست فود بيحتاج كهربا اكبر

الداكت 📕

لازم يكون في داكت في المطبخ بتاعك 

داكت خاص لمواسير المياه والكهربا والصرف والتهويه  وده اسمه (VERTICAL DUCKTS)

داكت خاص  التكيفات والاضاءه وده اسمه (HORIZENTAL DUCKTS)