ازاى اختار وحدة ادارية مميزة فى اى مشروع مطروح جديد

في هذه الكبسولة العقارية السريعة أوضح لك تفاصيل ازاى اختار وحدة ادارية مميزة فى اى مشروع مطروح جديد فى العاصمة الادارية الجديدة 

ازاى اختار وحدة ادارية مميزة فى اى مشروع مطروح جديد فى العاصمة الادارية 

يلا بينا ( الخطوات كالتالى )

1 - دايما اختار مساحة كبيرة فى الادارى عشان ماتحتاجش لضم الوحدات يعنى ع الاقل خد 50 متر لو البدجيت يسمح

2 - اختيار موقع بالترتيب ده ( اولا ع الشارع الرئيسى - 2 - الشارع الجانبى - 3 - الممشى السياحى او البلازا الداخلية - على الجار )

وده عشان القيمة الايجارية بتقل على حسب الفيو 

3 - لو مبنى ادارى متكامل يفضل فى منتصف المبنى ( دور من 3 : 5 ) لكن ده مش سبب رئيسى للاختيار يعنى لو 1 او 6 مش هتفرق كتير

4 - لو برج كل ماكنت اعلى كل ماكان افضل يعنى لو المبنى 20 اختار ال20 لو السعر تمام بالنسبالك 

5 - اختار دايما سهولة الوصول للمكتب بتاعك فى الدور يعنى بمجرد مانزل الدور اشوف مكتبى ( القرب من الاسانسير ) 

6 - خليك قريب جدا من الخدمات اللى فى الدور زى الWaiting area او الحمامات او غرفة الاجتماعات وما الى ذلك وفى نفس الوقت ماتلزقش فيها 

7 - حاول تبعد عن غرف الكهربا شوية وغرف ال IT وما الى ذلك بردو 

8 - اختار تقسيمة المكتب المربعة عشان لما تفرشها سواء حضرتك او المستأجر تبقى سهلة 

9 - حاول يبقى عرض واجهة المكتب اكبر حاجة يعن لو مستطيل والواجهة عريضة بيبقى ممتاز وسهل التقسيم ومعظم الغرف تبقى فيو 

10 - خلو الوحدة من الاعمدة الداخلية قد الامكان لسهولة التشغيل واستخدام المساحة بشكل امثل

في الختام...

يمكنك دائماً تصفح قسم كبسولة عقارية من يوفن دوت كوم، للإجابة علي اسئلتك العقارية سريعاً وبشكل موجز ومختصر!

أو يمكنك دائماً التواصل معنا للإجابة عن أستفسارتك بكل شفافية ومصداقية لأستثمار آمن...